Март ойи охирида "Тоттенхэм" Антонио Контени истеъфога чиқарди. Ўшандан бери Лондон клуби жамоага янги бош мураббий қидирмоқда.
The Times нашри хабарига кўра, "шпорлар" Юлиан Нагельсманн билан музокараларни қайта бошлашган. Германиялик ёш мутахассис бу иш билан қизиқмоқда, аммо у бир шарт қўйди - унга спорт директори лавозимига кафолатлар керак.
Хабарингиз бор, Фабио Паратичи аввал ишлаган "Ювентус"даги молиявий қоидабузарликларда иштирок этгани учун четлатилганидан кейин "Тоттенхэм" спорт директорисиз қолганди.
Жулиан Нагельсманн март ойининг охиридан бери ишсиз эди. Ўшанда уни "Бавария"дан ҳайдаб юборишди.
