"Манчестер Сити" айни дамда "Челси"га қарши ўйин ўтказмоқда. Ушбу баҳс бошланмасданоқ "шаҳарликлар" Англия чемпионига айланди.

"Арсенал" шанба куни "Ноттингем Форест"га 0:1 ҳисобида мағлуб бўлганидан сўнг, Хосеп Гвардиола жамоаси АПЛ турнир жадвалидаги биринчи ўрнини йўқотмайдиган бўлди.

"Челси" футболчилари "Манчестер Сити" учун чемпионлик йўлагини ташкил қилишди. Лондон жамоаси футболчилари саф тортган ҳолда янги чемпионларни қарсаклар билан кутиб олишди.

Эслатиб ўтамиз, "Манчестер Сити" кетма-кет учинчи йил Англия чемпиони бўлди. Хосеп Гвардиола жамоасида бу мавсумда требль ютиш имконияти бор – Англия кубоги ва Чемпионлар лигаси финали олдидан.