"Manchester Siti" ayni damda "Chelsi"ga qarshi o‘yin o‘tkazmoqda. Ushbu bahs boshlanmasdanoq "shaharliklar" Angliya chempioniga aylandi.
"Arsenal" shanba kuni "Nottingem Forest"ga 0:1 hisobida mag‘lub bo‘lganidan so‘ng, Xosep Gvardiola jamoasi APL turnir jadvalidagi birinchi o‘rnini yo‘qotmaydigan bo‘ldi.
"Chelsi" futbolchilari "Manchester Siti" uchun chempionlik yo‘lagini tashkil qilishdi. London jamoasi futbolchilari saf tortgan holda yangi chempionlarni qarsaklar bilan kutib olishdi.
Eslatib o‘tamiz, "Manchester Siti" ketma-ket uchinchi yil Angliya chempioni bo‘ldi. Xosep Gvardiola jamoasida bu mavsumda trebl yutish imkoniyati bor – Angliya kubogi va Chempionlar ligasi finali oldidan.
