Эрон миллий терма жамоаси бош мураббийи Карлос Кейруш Жаҳон чемпионати саралаш босқичини олимпия ўйинларидаги марафонга ўхшатди.
Эрон миллий терма жамоаси 16 октябрь куни "Озодий" стадионида Жанубий Кореяни қабул қилади.
"Бу ўйинда 3 очкони қўлга киритиш биз учун муҳим. Боиси, биз Ливанда 3 очкони бой бердик. Лекин олдинда қўлга киритишимиз мумкин бўлган 12 очко бор. Бу спринт эмас, марафон. Жанубий Кореяни мағлуб этиш учун қўлдан келган барча ишни қиламиз", дейди Кейруш.
"Ишончим комил, Корея терма жамоаси Ливанга қараганда ҳужумкор ўйин намойиш қилади ва футболчиларимиз гол уриш учун кўпроқ имкониятларга эга бўлишади. Биз бу ўйиннинг муҳимлигини тўлалигича ҳис қилмоқдамиз. Кореяга қарши ўйинда самарали ўйин кўрсатиб, ижобий натижага эришамиз, деган умиддаман", қўшимча қилди португалиялик мутахассис.
