Суперлига 11-турида сафарда «Олимпик»ка қарши дуранг ўйнаган «Нефтчи» клуби бош мураббийи Виталий Левченко бугунги ўйинга голлар етишмагани, камчиликлар, дарвозабонлар танлови ва чемпионлик пойгаси борасида фикр билдирди.

“Бугун курашларга бой ва қизиқарли ўйин бўлди. Биринчи таймда вазиятлар бўлди. Иккинчи таймда дарвоза устуни ва тўсинини пойладик. Рақибда ҳам имкониятлар бўлди. Умуман, икки жамоа ҳам бугун вазиятлар ярата олди. Бугунги ўйинга фақатг голлар етишмади”, - деди мураббий.

“Жамоада йўқотишлар бор ва таркибни шунга қараб танлаяпмиз. Жамоада асосийси рақобат бор. Машғулотлар жараёнида кимлар қандай ҳаракат қилаяпти, бу ҳам муҳим омилдир. Камчиликлар этарли. Уларни бартараф этишга ҳаракат қиламиз”.

“Барчасидан қониқиш ҳосил қиладиган, хатолардан холи мураббий бўлмаса керак. Футбол борки, камчиликлар ва хатолар бор. Биз ҳам идеал эмасмиз”.

“Назаров олимпия термаси дарвозабони ва унга имкон бермасак ғалати бўларди. У ўзига берилган имкониятдан фойдаланди ва ўзини кўрсата олди. Тўраев ҳам сифатли дарвозабон ва дастлабки саккизта ўйинни яхши ўтказди. Яна бир дарвозабонимиз ҳозир ёшлар терма жамоаси билан жаҳон чемпионатида. Дарвозабонларимиз орасида рақобат бўлгани яхши”.

“Ҳали чемпионлик пойгасидан чиқмадик. Чемпионлик учун кураш давом этаяпти. Биз шунчаки футбол ўйнаяпмиз. Футболчилар ҳаракат қилишаяпти. Мураббий сифатида уларнинг ҳаракатлари менга ёқаяпти”.