Инсайдер Фабрицио Романо бош мураббий Лучано Спалетти "Наполи"ни тарк этиши мумкинлигини тасдиқлади.
Яқинда неаполликларни узоқ кутилган А Серия чемпиони сари етаклаган 64 ёшли мутахассис якшанба куни “Интер”ни мағлуб этганидан сўнг ўзининг кетиши ҳақидаги тахминларни кучайтирди. Спалетти клуб билан хайрлашишга шама қилиб, бу борада якуний қарор аллақачон қабул қилинганини қўшимча қилди. Романонинг сўзларига кўра, мураббий жорий мавсум охирида кетишга жиддий ёндашган. "Наполи" аллақачон унга ўринбосар қидирмоқда.
Лучано Спалетти “Наполи”ни 2021 йилдан буён бошқариб келмоқда. Унинг шартномаси 2023/24 йилги мавсум охиригача амал қилади.
