"Ювентус" ҳужумчи Душан Влаховични "Бавария"га сотишга тайёр.

Мюнхен клуби 23 ёшли ҳужумчига асосий даъвогарлардан бири саналади. Хабарингиз бор, “Бавария” “Ювентус”ни сербга бўлган қизиқишлари ҳақида маълум қилган, бироқ ҳали расмий музокаралар бўлмаган. Айни дамда Турин клуби немис грандидан аниқ маълумотларни кутмоқда, деб хабар беради Sky Sport. "Кекса сеньора" раҳбарияти таклифни бажонидил ўрганиб чиқади, аммо сотилишидан олдин футболчига муносиб ўринбосар топишга умид қилишмоқда.

Душан Влаховичга Лондоннинг “Челси” ва “Манчестер Юнайтед” клублари ҳам қизиқиш билдирмоқда. Transfermarkt экспертлари футболчининг нархини 75 миллион еврога баҳоламоқда.