"Yuventus" hujumchi Dushan Vlaxovichni "Bavariya"ga sotishga tayyor.
Myunxen klubi 23 yoshli hujumchiga asosiy da’vogarlardan biri sanaladi. Xabaringiz bor, “Bavariya” “Yuventus”ni serbga bo‘lgan qiziqishlari haqida ma’lum qilgan, biroq hali rasmiy muzokaralar bo‘lmagan. Ayni damda Turin klubi nemis grandidan aniq ma’lumotlarni kutmoqda, deb xabar beradi Sky Sport. "Keksa senyora" rahbariyati taklifni bajonidil o‘rganib chiqadi, ammo sotilishidan oldin futbolchiga munosib o‘rinbosar topishga umid qilishmoqda.
Dushan Vlaxovichga Londonning “Chelsi” va “Manchester Yunayted” klublari ham qiziqish bildirmoqda. Transfermarkt ekspertlari futbolchining narxini 75 million yevroga baholamoqda.
