"Барселона" бош мураббийи Хави Эрнандес Лионель Мессининг келгуси мавсумда жамоага қайтишига ишончи комил эмас. Каталония клуби устози аргентиналик футболчининг "Камп Ноу"га қайтиши кўп омилларга боғлиқлигини аниқ айтди.
“Мессининг қайтиши кўплаб омилларга боғлиқ. У ажойиб футболчи ва менинг дўстим. Келинг, режамизни амалга оширишимиз мумкинми ёки йўқлигини кўрамиз. Кўп нарса Лионелнинг ўз хоҳишига ҳам боғлиқ бўлади", - деди Хави матбуот анжуманида.
Месси катта эҳтимол билан ёзда эркин агентга айланади, чунки Франциянинг "ПСЖ" клуби футболчи билан шартномани узайтирмоқчи эмас. Лионелнинг ўзи ҳам Парижда қолишни истамаяпти.
