Европа лигаси ва Конференциялар лигасида финал ўйинларини бошқарадиган ҳакамлар номи маълум бўлди. Тайинланишлар рўйхатини УЕФА матбуот хизмати эълон қилди.

Европа лигасининг ҳал қилувчи “Севилья” – “Рома” учрашувига Энтони Тейлор бошчилигидаги англиялик ҳакамлар бригадаси тайинланди. Жорий мавсумда ҳакам УЕФА шафелигида клублар ўртасидаги 7 та ўйинида ишлаган (6 таси Чемпионлар лигасида, 1 таси Европа лигасида).

Конференциялар лигаси финали “Фиорентина” – “Вест Хэм” учрашувини Карлос дель Серро Гранде бошчилигидаги испаниялик ҳакамлар бошқариб боради. Жорий мавсумда ҳакам УЕФА шафелигида 8 та учрашувида ишлаган (6таси Чемпионлар лигасида, бир мартадан Европа Лигаси ва Конференциялар лигасида).

"Севилья" - "Рома" учрашуви 31 май куни бўлиб ўтади. Ўйин Будапештдаги (Венгрия) "Ференц Пушкаш" стадионида бўлиб ўтади. Учрашув Тошкент вақти билан 23:59'да бошланади.

“Фиорентина” ва “Вест Хэм” жамоалари ўртасидаги ўйин 7 июнь, чоршанба куни Прагадаги (Чехия) “Шинобо” стадионида ўтказади. Учрашув Тошкент вақти билан 23:59да бошланади.