Yevropa ligasi va Konferensiyalar ligasida final o‘yinlarini boshqaradigan hakamlar nomi ma’lum bo‘ldi. Tayinlanishlar ro‘yxatini UYEFA matbuot xizmati e’lon qildi.
Yevropa ligasining hal qiluvchi “Sevilya” – “Roma” uchrashuviga Entoni Teylor boshchiligidagi angliyalik hakamlar brigadasi tayinlandi. Joriy mavsumda hakam UYEFA shafeligida klublar o‘rtasidagi 7 ta o‘yinida ishlagan (6 tasi Chempionlar ligasida, 1 tasi Yevropa ligasida).
Konferensiyalar ligasi finali “Fiorentina” – “Vest Xem” uchrashuvini Karlos del Serro Grande boshchiligidagi ispaniyalik hakamlar boshqarib boradi. Joriy mavsumda hakam UYEFA shafeligida 8 ta uchrashuvida ishlagan (6tasi Chempionlar ligasida, bir martadan Yevropa Ligasi va Konferensiyalar ligasida).
"Sevilya" - "Roma" uchrashuvi 31 may kuni bo‘lib o‘tadi. O‘yin Budapeshtdagi (Vengriya) "Ferens Pushkash" stadionida bo‘lib o‘tadi. Uchrashuv Toshkent vaqti bilan 23:59'da boshlanadi.
“Fiorentina” va “Vest Xem” jamoalari o‘rtasidagi o‘yin 7 iyun, chorshanba kuni Pragadagi (Chexiya) “Shinobo” stadionida o‘tkazadi. Uchrashuv Toshkent vaqti bilan 23:59da boshlanadi.
