Олий лигада ўзининг олтинчи мавсумини ўтказаётган “Бунёдкор” чемпионат баҳсларида шу бугунгача рақибларига 353та гол йўллаб, ўз дарвозасидан 82та тўп олиб чиқди.
Кеча “Бунёдкор” дарвозасига икки тўп киритиб, “Локомотив”нинг ғалабасини таъминлаган литвалик ҳужумчи Артурос Фоменко “қалдирғочлар” дарвозасини ишғол қилганлар рўйхатида анча илгарилаб кетди.
Футболчи 2009 йили “Олмалиқ” сафида ўйнаганида Олмалиқдаги ва Тошкентдаги ўйинларда “Бунёдкор” дарвозасига биттадан тўп киритган эди. 2011 йилги мавсумда “Сўғдиёна” шарафини ҳимоя қилган Фоменко Жиззахда ўтган баҳсда (1:6) жамоасининг ягона голига муаллифлик қилган. Бу мавсумнинг биринчи даврасини “Навбаҳор”да ўтказган ҳужумчи Косонсойдаги баҳсда дубль қайд этган бўлса, иккинчи даврада жамоасини алмаштирган литвалик легионер “Локомотив” сафида ҳам “Бунёдкор” дарвозасини ишғол қилишни уддасидан чиқди. Умумий ҳисобда унинг “қалдирғочлар” дарвозасига киритган голлари сони 7тага етди. Бу борада “Нефтчи” ҳужумчиси Анвар Бердиев ҳисобида 4та гол бор.
“Бунёдкор” дарвозасига тўп киритган футболчилар рўйхати:
Артурос Фоменко – 7
Анвар Бердиев – 4(1)
Зафар Полвонов – 3
Леонид Кошелев – 3(1)
Александр Гейнрих – 2
Боян Калевич – 2
Жафар Ирисметов – 2
Зайниддин Тожиев – 2
Марсель Идиатуллин – 2
Мўйдин Мамазулунов – 2
Рўзимбой Аҳмедов – 2(1)
Шаҳзодбек Нурматов – 2
....
49та футболчи ҳисобида биттадан гол бор
