Англия футболи афсонаси Рио Фердинанднинг фикрича, "Манчестер Сити" 2007/2008 йилги мавсумда "Манчестер Юнайтед"дан устун эмас.
"Манчестер Сити"ни кетма-кет учта чемпионлик билан табриклайман, улар кучли жамоа. Бу жамоани Премьер-лига тарихидаги энг яхши жамоалардан бири сифатида қайд этаман. Улар янада яхшироқ бўлиши мумкин, аммо бунинг учун сиз бошқа нарсани ютиб олишингиз керак. Агар "шаҳарликлар" Чемпионлар лигасида ғалаба қозонишса, у ҳолда 2007/2008 йилги мавсумда "Манчестер Юнайтед" билан таққослаш ҳақида гапириш мумкин. Аммо буни муҳокама қилишга ҳали эрта. Улар биринчи навбатда ғалаба қозонишсин", - деди Фердинанд Metro билан суҳбатда.
“Манчестер Сити” Чемпионлар лигаси финалида “Интер”га қарши майдонга тушади.
