Журналист Марк Огден Бразилия ва "ПСЖ" ҳужумчиси Неймарнинг "Манчестер Юнайтед" клубига ўтиши мумкинлиги ҳақидаги маълумотга изоҳ берди.
"Манчестер Юнайтед" Неймарни сотиб олиш борасида музокаралар олиб бормаяпти. Клубнинг ҳозирги эгалари остида бу содир бўлмайди", - деб хабар қолдирди инсайдер ижтимоий тармоқларида.
31 ёшли ҳужумчи 2017 йилнинг ёзидан буён парижликлар сафида ўйнамоқда. Неймарнинг клуб билан шартномаси 2024/2025 йилги мавсум охиригача амал қилади. Унинг трансфер нархи 70 миллион еврога баҳоланмоқда.
Бразилиялик футболчи жорий мавсум Лига 1да 20 ўйинда майдонга тушиб, 13 гол ва 11 голга ассистентлик қилган.
