Жорий мавсум якунида “Ливерпуль”ни тарк этадиган бразилиялик ҳужумчи Роберто Фирмино фаолиятини Европадан ташқарида давом эттириши мумкин. Инсайдер Руди Галеттининг сўзларига кўра, футболчининг Яқин Шарқда ўйнаш имкониятлари бор.
Фирмино хизматларига Саудия Арабистони чемпионатининг номи маълум қилинмаган клубларидан бири қизиқмоқда.
31 ёшли ҳужумчи жорий мавсумда 24 та ўйинда майдонга тушиб, 10 та гол урди ва 4 та голли узатмани амалга оширди.