Сўнгги пайтларда матбуот "Манчестер Юнайтед"ни Неймар билан боғламоқда.
"Қизил иблислар"нинг собиқ футболчиси Луи Саа клубни бразилиялик футболчини сотиб олишдан огоҳлантирди.
"Неймар супер юлдуз эди, у иқтидорли, аммо уни бошқариш қийин. Ҳурмат билан айтсам, у клубга мослаша олмайди, деб ўйлайман", — деди Саа OLBG билан суҳбатда.
Неймар февраль ойидан бери жароҳатини даволатиб келмоқда. 31 ёшли ҳужумчи "ПСЖ" сафида мавсумдаги 29 та ўйинда 18 та гол урди ва 17 та голли узатмани амалга оширди.
Эслатиб ўтамиз, transfermarkt портали Неймарни 70 миллион еврога баҳоламоқда.
