Ўзбекистон ампутантлар терма жамоаси Россиянинг Калининград шаҳрида давом этаётган жаҳон чемпионатида навбатдаги ғалабани қўлга киритди.

Ўзбекистон ампутантлар терма жамоаси жаҳон чемпионати гуруҳ босқичи 3-турида Либерия терма жамоасини йирик – 8:2 ҳисобида мағлубиятга учратишди. Мавзурхўжа Умархўжаев қўл остидаги ўзбекистонлик футболчилар мусобақанинг 1-турида Туркия термасини 6:1 ҳисобида мағлубиятга учратган бўлса, 2-турда Япония дарвозасига жавобсиз 7та гол урганди.

Айни вақтда 9 очко билан «В» гуруҳининг яққол пешқадами бўлиб турган Ўзбекистон ампутантлар терма жамоаси 10 октябрь куни Англия, 11 октябрь куни Украинага қарши майдонга тушади. Шундан сўнг плей-офф баҳслари старт олади.

Ампутантлар ўртасидаги Жаҳон чемпионати-2012
«В» гуруҳи, 3-тур учрашуви
9 октябрь, сешанба
ЎЗБЕКИСТОН – ЛИБЕРИЯ 8:2

4-тур учрашуви
10 октябрь, чоршанба
ЎЗБЕКИСТОН - АНГЛИЯ