Дортмунднинг "Боруссия" клуби янги уй либосини тақдим этди.
Либос дизайни жамоа мухлисларидан бири томонидан яратилган. Бир йилдан кўпроқ вақт олдин клуб 2023/24 йилги мавсум учун либослар макетини яратиш бўйича танловни бошлаган эди. 100 дан ортиқ мамлакатлардан 15 000 дан ортиқ ғоялар келиб тушди. Шундан сўнг 150 000 мухлис 9 нафар финалчи орасидан ўз танловини амалга оширди. Якуний вариант катта фарқ билан ғалаба қозонди.
Либос Марл шаҳридан график дизайнер Тимо Р. томонидан ишлаб чиқилган. Натижалар эълон қилингандан сўнг, у либосларни ишлаб чиқаришнинг кейинги жараёнларида фаол иштирок этди.
