Dortmundning "Borussiya" klubi yangi uy libosini taqdim etdi.

Libos dizayni jamoa muxlislaridan biri tomonidan yaratilgan. Bir yildan ko‘proq vaqt oldin klub 2023/24 yilgi mavsum uchun liboslar maketini yaratish bo‘yicha tanlovni boshlagan edi. 100 dan ortiq mamlakatlardan 15 000 dan ortiq g‘oyalar kelib tushdi. Shundan so‘ng 150 000 muxlis 9 nafar finalchi orasidan o‘z tanlovini amalga oshirdi. Yakuniy variant katta farq bilan g‘alaba qozondi.

Libos Marl shahridan grafik dizayner Timo R. tomonidan ishlab chiqilgan. Natijalar e’lon qilingandan so‘ng, u liboslarni ishlab chiqarishning keyingi jarayonlarida faol ishtirok etdi.