"Арсенал" бош мураббийи Микель Артета ҳужумчи Букайо Сака билан шартнома узайтирилгани ҳақида фикр билдирди.
Бугун, 23 май куни клуб футболчи билан янги узоқ муддатли шартнома имзолагани маълум бўлди.
"Саканинг шартномасини узайтиргани клуб учун ажойиб ютуқ. Энг яхши ёш иқтидоримизни сақлаб қолиш бизнинг давомий тараққиётимиз калитидир ва Букайо ҳозир ва келажакда жамоамизнинг муҳим қисми бўлади.
Букайо нафақат ажойиб истеъдодли, балки ўзига хос инсон ҳамдир. Биз ҳаммамиз уни яхши кўрамиз ва у ўзини ва оиласини бугунги кунга эришиш учун қилган машаққатли меҳнати ва фидойилиги учун табриклайди.
Мухлисларимиз билан биргаликда Букайонинг кейинги йилларда жамоада ривожланишини интиқлик билан кутамиз", - дея Артетанинг сўзларидан иқтибос келтирган «Арсенал» расмий сайти.
