"Брайтон" ҳужумчиси Эван Фергюсон "Манчестер Сити"га ўтиши мумкин.
Нашрнинг ёзишича, 18 ёшли футболчининг исми "шаҳарликлар" раҳбариятида тез-тез тилга олинади. Агар Эрлинг Холанд жамоани тарк этишга қарор қилса, у норвегиялик ўрнига асосий даъвогар бўлади.
Фергюсоннинг "чағалайлар" билан амалдаги шартномаси 2028 йилнинг ёзига қадар тузилган.
Ирландиялик ҳужумчи жорий мавсумда “Брайтон” сафида 32 та ўйинда майдонга тушиб, 16 та гол урди ва 5 та голли узатмани амалга оширди. Transfermarkt порталига кўра, футболчининг нархи 10 миллион еврони ташкил қилади.
