Sky Sports хабарига кўра, "Арсенал" ҳужумчи Рис Нельсон билан янги шартнома борасида музокаралар олиб бормоқда.
Манбага кўра, "канонирлар" 23 ёшли англиялик билан бир йиллик шартномани муҳокама қилишган. Агар у шартнома имзоламаса, ёзда эркин агентга айланади.
Нельсон "Арсенал" тарбияланувчиси бўлиб, 2022/23 йилги мавсумда жамоа сафида 17 та ўйинда 3 та гол урди ва 3 та голли узатмани амалга оширди. Transfermarkt.com портали ҳужумчининг нархини 7 миллион еврога баҳоламоқда.
"Арсенал" 37 ўйиндан кейин 81 очко билан АПЛ турнир жадвалида иккинчи ўринда бормоқда.
