Sky Sports xabariga ko‘ra, "Arsenal" hujumchi Ris Nelson bilan yangi shartnoma borasida muzokaralar olib bormoqda.
Manbaga ko‘ra, "kanonirlar" 23 yoshli angliyalik bilan bir yillik shartnomani muhokama qilishgan. Agar u shartnoma imzolamasa, yozda erkin agentga aylanadi.
Nelson "Arsenal" tarbiyalanuvchisi bo‘lib, 2022/23 yilgi mavsumda jamoa safida 17 ta o‘yinda 3 ta gol urdi va 3 ta golli uzatmani amalga oshirdi. Transfermarkt.com portali hujumchining narxini 7 million yevroga baholamoqda.
"Arsenal" 37 o‘yindan keyin 81 ochko bilan APL turnir jadvalida ikkinchi o‘rinda bormoqda.