"Реал"нинг собиқ ҳужумчиси Антонио Кассанонинг фикрича, "Интер" раҳбарияти бош мураббий Симоне Индзагини истеъфога чиқариши керак.
"Клубда қандайдир бемаънилик содир бўлмоқда. Улар Чемпионлар лигаси финалига чиққани учун Индзагига ишонишади ва А Сериядаги муваффақиятсизликка эътибор беришмайди. "Интер"нинг чемпионатда бундай ўйнашини қабул қилиб бўлмайди. Ўйлайманки, финалдан кейин Индзаги ишдан бўшатилиши керак", — деди Кассано Bobo TV билан суҳбатда.
Италия чемпионатининг 36-туридан кейин “Интер” турнир жадвалида учинчи ўринда бормоқда. Индзаги шогирдлари Чемпионлар лигаси финалида “Манчестер Сити” билан тўқнаш келишади.
