Ирландия терма жамоаси мураббийи Жованни Трапаттонининг ёрдамчиси Марко Тарделли жума куни ЖЧ-2014 саралаш баҳсининг навбатдаги турида Германия билан ўйинда, ирландлар немисларни мағлубиятга учрата олишини таъкидлаб ўтди.
“Биз ғалаба қозониш учун ҳаракат қиламиз. Бу биз учун нормал ҳолат. Агар Германия устидан муваффақиятга эриша олсак, бу жамоа учун ҳам, мамлакат учун жуда мухим бўлади”.
“Германия кучли жамоалигини ва бизда муаммолар жуда кўплигини яхши биламиз. Лекин ишонамизки, барча жамоаларга қарши бемалол ўйнай оламиз. Бунинг имкони бор”, - дейди Тарделли.