Каталониянинг "Барселона" клуби "Манчестер Юнайтед"нинг ўнг қанот ҳимоячиси Диого Далотга қизиқиш билдирмоқда, унинг "қизил иблислар" билан 2024 йилнинг ёзига қадар шартномаси бор.
Журналист Самуэль Лакхёрстнинг фикрича, "кўк-анорранглилар" келгуси мавсумда португалиялик футболчини сотиб олишга ҳаракат қилишлари мумкин.
Бироқ манбанинг қўшимча қилишича, Далотга Европанинг бошқа клублари ҳам қизиқиш билдирмоқда. Футболчига даъвогарлар орасида Дортмунднинг "Боруссия", "Ювентус", "Рома", "Милан" ва "Атлетико Мадрид" каби жамоалар бор. Қайд этилишича, айни дамда португалиялик футболчи "Манчестер Юнайтед" билан янги шартнома борасида музокаралар олиб бормоқда.
