"Брайтон" бош мураббийи Роберто де Зерби жамоанинг Европа лигаси чиқиш зонасига кириши ҳақида фикр билдирди. “Манчестер Сити” билан дуранг жамоани (1:1) мавсум якунида кучли 6таликка киришни кафолатлади.

“Бу ажойиб лаҳза, биз “Брайтон”, футболчилар ва мураббийлар учун ақл бовар қилмайдиган мақсадга эришдик. Биз жуда, жуда хурсандмиз. Менимча, “Манчестер Сити” дунёнинг энг яхши жамоаси. Биз учун жуда қийин ўйин бўлди. Биз бу нуқтага лойиқмиз. Биз Европа лигасига лойиқмиз", - дея де Дзерби сўзларини келтиради BBC.

“Манчестер Сити” муддатидан аввал АПЛда ғалаба қозонди. “Шаҳарликлар” 89 очко билан турнир жадвалида пешқадамлик қилмоқда. "Брайтон" 62 очко билан 6-ўринда бормоқда.