Таниқли мураббий Жозе Моуриньо ўзи ишлаган клубларига нисбатан ҳис-туйғулари ҳақида гапирди.
"Тоттенхэм" - мен учун алоҳида ҳис-туйғуларга эга бўлмаган ягона клуб. Балки бу коронавирус пандемияси даврида бўш стадионда ўйнаганимиз билан боғлиқдир. Ёки клуб президенти Даниэль Леви финалда ўйнашимга ва кубокни ютишимга имконият яратиб бермагани билан боғлиқдир", - деди Моуриньо.
Жозе Моуриньо 2019-2021 йилларда "Тоттенхэм"ни бошқарган. "Шпорлар" "Манчестер Сити"га 0:1 ҳисобида мағлуб бўлган Лига кубоги финалидан бир ҳафта олдин истеъфога чиқарилган эди.
Моуриньо ҳозирда "Рома" жамоасида ишламоқда.
