"Байер" бош мураббийи Хаби Алонсо "ПСЖ"ни бошқариши мумкин, дея хабар беради RMC Sport.
Манба берган хабарга кўра, парижликлар раҳбариятида клуб бош мураббийлиги учун учта асосий номзод бор: Жозе Моуриньо ("Рома"), Тиагу Мотта ("Болонья") ва қисқа рўйхатга яқинда кирган Хаби Алонсо.
41 ёшли испаниялик мутахассис ўтган йилнинг октябрь ойидан бери Леверкузеннинг "Байер" клубини бошқариб келмоқда. Унинг қўл остида Леверкузен жорий мавсумда Бундеслигада 17-ўриндан 6-ўринга кўтарилди. Қолаверса, “Байер” Европа лигасининг ярим финалига қадар етиб борган ва у ерда “Рома”га имкониятни бой берган (0:1; 0:0).
