Виллианнинг "Фулхэм" билан амалдаги шартномаси июнь ойи охиригача амал қилади.
34 ёшли бразилиялик вингер Лондон клубида қолиши мумкин. Инсайдер Фабрицио Романонинг ижтимоий тармоқларда хабар беришича, ҳозирда Виллианнинг агенти ва клуб раҳбарлари ўртасида музокаралар олиб борилмоқда.
Виллиан "Фулхэм" билан бир мавсумга янги шартнома имзолаши мумкин. Бироқ, ҳозирча ҳеч нарса келишилган ва имзоланмаган. Тажрибали бразилиялик футболчининг Европада ҳам, Саудия Арабистонида ҳам бошқа вариантлари бор.
Виллиан 2022/2023 йилларда “Фулхэм” сафида 29 та ўйинда майдонга тушиб, 5 та гол урди ва 5 та голли узатмани амалга оширди.