"Интер" ҳужумчиси Ромелу Лукаку Италияда ўзини қулай ҳис қилаётганини яна бир бор тан олди.
30 ёшли бельгиялик футболчи мавсум охиригача "Челси"дан ижарага олинганди. Футболчининг келажаги номаълумлигича қолмоқда, бироқ унинг ўзи "Интер"да қолишни афзал кўрмоқда.
"Ҳозир ишларим яхши, бахтлиман ва бу жуда муҳим. Мен ўзимни кимлигимни тўғри қабул қиламан ва бошқалар мен ҳақимда нима деб ўйлашига аҳамият бермайман.
Кимлигимни ва қаердан келганимни эслаганимда ғурурга тўламан", деди "нерадзуррилар" ҳужумчиси.
Ромелу Лукаку жорий мавсумда Симоне Индзаги жамоаси сафида 34 ўйинда 13 гол урди ва 6 голга ассистентлик қилди.
