"Бавария" бош мураббийи Томас Тухель Бундеслига чемпионлиги учун кураш ҳақида гапирди. Сўнгги тур олдидан мюнхенликлар Дортмунднинг "Боруссия" жамоасидан икки очко ортда қолмоқда.
"Вазият оддий: биз ғалаба қозонишимиз керак, кейин қолганини кўрамиз. Бизга ўзимизнинг ғалабамиз ва бошқа жамоанинг ёрдами керак. Ҳамма нарса бўлиши мумкин. Пенальти, стандарт, қизил карточка каби нарсалар ўз ролини ўйнаши мумкин. Бу бизнинг фойдамизга ҳам, зараримизга ҳам ишлаши мумкин", - деди Тухель матбуот анжуманида.
Бундеслиганинг сўнгги турида "Бавария" сафарда "Кёльн" билан ўйнайди. Дортмунднинг "Боруссия" клуби "Майнц"ни қабул қилади.
