"Челси" ҳимоячиси Рис Жеймс АПЛнинг сўнгги турида "Ньюкасл"га қарши ўйнамаслигини маълум қилди ва келаси мавсумдан умидлари билан ўртоқлашди.
“Ишончим комилки, сиз янгиликни кўргансиз. Мавсумнинг сўнгги ўйинида майдонга туша олмайман. Бу мен учун зарба бўлди. Кечирасиз, бу мавсум биз хоҳлагандек ўтмади. Кейинги мавсумда мен ҳар қачонгидан ҳам кучлироқ бўлиб қайтаман ва биз яна совринлар учун курашамиз”, - деб ёзди Жеймс ижтимоий тармоқда.
"Челси" АПЛ турнир жадвалида 37-турдан кейин 43 очко билан 12-ўринда бормоқда. Мавсумнинг сўнгги учрашувида лондонликлар ўз майдонида "Ньюкасл" билан ўйнайди. Ўйин 28 май куни бўлиб ўтади.
