"Арсенал" "Вест Хэм" ярим ҳимоячиси Деклан Райсни сотиб олиш режасини ўзгартирмади.
"Канонирлар" Англия терма жамоасининг 24 ёшли футболчисини сотиб олиш нияти қишда маълум бўлганди. "Болғачилар" ўз юлдузи учун катта сумма сўрашлари кутилмоқда, аммо бу "Арсенал"нинг режаларига таъсир қилмайди: инсайдер Фабрицио Романонинг сўзларига кўра, Райс Англиянинг янги вице-чемпионларининг асосий мақсади ҳисобланади. Расмий музокараларнинг бошланиши июнь ойининг бошига режалаштирилган.
"Бавария" ҳам Деклан Райсга даъвогарлар қаторида. Ярим ҳимоячи ҳозирча ҳеч қайси клуб билан келишувга эга эмас.