Мадриднинг “Атлетико” клуби вингери Янник Карраско 15 миллион евро эвазига “Барселона”га ўтиши мумкин.

Белгиялик футболчи узоқ вақтдан бери Каталония клубининг трансфер мақсадларидан бири саналган, бироқ ҳозирча “матрасчилар” билан келишув шартлари якунига етмади.

"Барселона" "Атлетико"ни 29 ёшли футболчини 15 миллион еврога сотишга кўндиришга ҳаракат қилади. Шунингдек, агар Карраско билан шартнома имзоланса, клуб Абде Эззалзули вариантидан воз кечади.

Янник Карраско бу мавсумда “Атлетико Мадрид” сафида 43 та ўйинда 10 та гол ва 5 та голли узатмага муаллифлик қилди.