Madridning “Atletiko” klubi vingeri Yannik Karrasko 15 million yevro evaziga “Barselona”ga o‘tishi mumkin.

Belgiyalik futbolchi uzoq vaqtdan beri Kataloniya klubining transfer maqsadlaridan biri sanalgan, biroq hozircha “matraschilar” bilan kelishuv shartlari yakuniga yetmadi.

"Barselona" "Atletiko"ni 29 yoshli futbolchini 15 million yevroga sotishga ko‘ndirishga harakat qiladi. Shuningdek, agar Karrasko bilan shartnoma imzolansa, klub Abde Ezzalzuli variantidan voz kechadi.

Yannik Karrasko bu mavsumda “Atletiko Madrid” safida 43 ta o‘yinda 10 ta gol va 5 ta golli uzatmaga mualliflik qildi.