Мадриднинг “Реал” клуби ярим ҳимоячиси Марко Асенсио фаолиятини “ПСЖ”да давом эттириши мумкин, деб хабар беради ESPN.
Манбага кўра, томонлар ҳозирданоқ музокаралар олиб бормоқда, қўшимчасига, 27 ёшли испанияликнинг агенти Жорже Мендеш парижликларнинг спорт директори Луиш Кампуш билан яхши муносабатларга эга ва бу келишувга ҳисса қўшиши мумкин.
Футболчига "Астон Вилла", "Ювентус" ва "Милан" қизиқиш билдирмоқда, бироқ унинг афзал кўрган варианти "ПСЖ".
2022/23 йилги мавсумда Асенсио "Реал" сафида барча турнирларда 50 та ўйинда майдонга тушиб, 12 та гол урди ва 8 та голли узатмани амалга оширди. Футболчи мавсум якунида эркин агент сифатида клубни тарк этишга қарор қилди.