Madridning “Real” klubi yarim himoyachisi Marko Asensio faoliyatini “PSJ”da davom ettirishi mumkin, deb xabar beradi ESPN.
Manbaga ko‘ra, tomonlar hozirdanoq muzokaralar olib bormoqda, qo‘shimchasiga, 27 yoshli ispaniyalikning agenti Jorje Mendesh parijliklarning sport direktori Luish Kampush bilan yaxshi munosabatlarga ega va bu kelishuvga hissa qo‘shishi mumkin.
Futbolchiga "Aston Villa", "Yuventus" va "Milan" qiziqish bildirmoqda, biroq uning afzal ko‘rgan varianti "PSJ".
2022/23 yilgi mavsumda Asensio "Real" safida barcha turnirlarda 50 ta o‘yinda maydonga tushib, 12 ta gol urdi va 8 ta golli uzatmani amalga oshirdi. Futbolchi mavsum yakunida erkin agent sifatida klubni tark etishga qaror qildi.