“Бавария” ҳужумчиси Кинглси Коман кетма-кет 11-марта ўзи иштирок этган мамлакатларда чемпионатларида ғолибликни қўлга киритди.

27 май куни “Бавария” сўнгги турда “Кёльн”ни 2:1 ҳисобида мағлуб этиб, мавсум якунида Германия чемпионлигини қўлга киритди. Яна бир учрашувда Дортмунднинг “Боруссия”си ўз майдонида “Майнц” билан дуранг ўйнади (2:2) ва қўшимча кўрсаткичлар бўйича “Бавария”га имкониятни бой бериб, мавсумни иккинчи ўринда якунлади.

26 ёшли футболчи 2015/16 йилги мавсумдан буён "Бавария"да ўйнайди. Бу унинг Мюнхен клуби билан саккизинчи чемпионлиги. Шунингдек, у "ПСЖ" билан икки марта Лига 1да ғалаба қозонган ва “Ювентус” билан бир марта А Серияда ғалаба қозонган.