"Манчестер Юнайтед" бош мураббийи Эрик тен Хаг ҳужумчи Маркус Решфорд ҳақида фикр билдирди.

"Мавсумнинг биринчи қисмида Решфорд яхши ўйнади ва менимча, у кўпроқ гол уриши мумкин эди. Охирги 10 ўйинда у кам гол урган. Маркус яхшиланиши мумкин, лекин мен унинг ўйинидан мамнунман. Биз уни қўлдан келганча қўллаб-қувватладик. Аммо биз кўпроқ ҳаракат қилишимиз керак ва ишончим комилки, у бир мавсумда 40 та гол уриб, кейинги қадамни қўя олади", - дея Тен Хагнинг сўзларини келтирмоқда "Манчестер Юнайтед" расмий сайти.

Решфорд жорий мавсумда барча турнирларда 54 та ўйинда майдонга тушиб, 30 та гол ва 11 та голли узатмани амалга оширган.