"Manchester Yunayted" bosh murabbiyi Erik ten Xag hujumchi Markus Reshford haqida fikr bildirdi.
"Mavsumning birinchi qismida Reshford yaxshi o‘ynadi va menimcha, u ko‘proq gol urishi mumkin edi. Oxirgi 10 o‘yinda u kam gol urgan. Markus yaxshilanishi mumkin, lekin men uning o‘yinidan mamnunman. Biz uni qo‘ldan kelgancha qo‘llab-quvvatladik. Ammo biz ko‘proq harakat qilishimiz kerak va ishonchim komilki, u bir mavsumda 40 ta gol urib, keyingi qadamni qo‘ya oladi", - deya Ten Xagning so‘zlarini keltirmoqda "Manchester Yunayted" rasmiy sayti.
Reshford joriy mavsumda barcha turnirlarda 54 ta o‘yinda maydonga tushib, 30 ta gol va 11 ta golli uzatmani amalga oshirgan.













