"Вулверхэмптон" ярим ҳимоячиси Рубен Невеш "Барселона"га ўтади. Испания клуби "бўрилар" ярим ҳимоячисининг трансферини яқин кунларда 30 миллион евро эвазига амалга оширади. Бу ҳақда AS хабар бермоқда.
Манбага кўра, "кўк-анорранглилар" 26 ёшли Португалия терма жамоаси футболчисининг трансфери бўйича келишувга яқин турибди ва ушбу трансферни жорий мавсум якунига қадар расмийлаштиради. Невеш "Вулверхэмптон"нинг сўнгги уй учрашувидан сўнг мухлислар билан хайрлашди.
Невеш 2017 йилда "Порту"дан "бўрилар"га ўтганди. Португалия термасида ярим ҳимоячи тарихдаги энг ёш сардор бўлган. Невеш ўтган мавсумда 40 та ўйинда 6 та гол урди ва голли узатма берди.
