"Манчестер Юнайтед" "Челси" ярим ҳимоячиси Мэйсон Маунтнинг трансфери учун ортиқча пул тўламоқчи эмас, деб хабар беради The Independent. "Қизил иблислар" бошлиқлари 24 ёшли футболчи учун сўралган 63 миллион еврони тўламоқчи эмас. Манкунианликлар клуби бундай нархни жуда юқори деб ҳисобламоқда.
Манбага кўра, "Манчестер Юнайтед" бош мураббийи Эрик тен Хагнинг трансфер бюджети шу ёзда қатъий чекланади. Клуб аниқ режасиз катта маблағ сарфламайди.
Маунт жорий мавсум “Челси” сафида барча турнирлар доирасида 35 та ўйинда майдонга тушиб, 3 та гол ва 4 та голли узатмага муаллифлик қилган.
Ярим ҳимоячининг Лондон клуби билан шартномаси 2024 йилнинг июн ойи охиригача амал қилади. Transfermarkt интернет порталига кўра, футболчининг тахминий нархи 65 миллион еврони ташкил қилади.
Аввалроқ Маунт "Олд Траффорд"га ўтишга тайёрлиги ҳақида хабар берилганди.