Суперлига 12-турида ўз майдонида «Олимпик»ни мағлуб этган «Навбаҳор» клуби бош мураббийи Самвел Бабаян очиқ ўйин, камчиликлар, Йўлдошевга танбеҳ бергани ва ротация ҳақидаги саволларга жавоб қайтарди.

“Дастлабки дақиқаларда рақиб ҳимоясини ёриб ўтишни режа қилгандик. Буни деярли уддаладик, аммо вазиятлардан фойдаланишда аниқлик этишмади. Менимча, бугун мухлисларга ёқадиган ўйин бўлди. Улар мазза қилишди дейиш мумкин. Уларни ғалаба билан табриклайман”, - деди Бабаян.

“Мураббий сифатида албатта камчиликлар борлигини инкор этмайман. Ҳали устидан ишлашимиз керак бўлган жиҳатлар кўп. Идеал формага кириб олиш учун тиниб билмай меҳнат қилаяпмиз”.

“Йўлдошевга учрашув якунида жароҳати жиддийроқ бўлмаса ўйинни давом эттириши кераклигини айтгандим. Рақиблар бизга қарши симуляциялар ишлатиши ва турли найранглар қилиши одат тусига кирди. Майдонда бир киши кам бўлиб қолмаслик учун унга ўйинни давом эттиришини ва ўйинни юқори нотада якунлаши кераклигини айтдим”.

«Бунёдкор»га қарши ўйиннинг биринчи таймида барча ўйлаган режаларимиз ўхшади. Ўз ўйинимиз орқали керакли натижага эришдик. Барчасини тўғри ва мукаммал бажардик. Бундай натижа айнан шу омиллар эвазига юзага келди. Иккинчи тайм эса биз кутган режа остида ўтмади. Хотиржамликка берилдик. Биз ҳали мукаммал даражага чиқмадик. Аммо, бу борада тинмай ишлаяпмиз. Бежизга пешқадамлик қилмаётганимизни исботлашимиз керак”