“Ювентус” А Сериядаги ўйин натижалари ва очколар айирилиши натижасида Чемпионлар лигасига йўлланма ололмади.
Массимилиано Аллегри шогирдлари А Сериянинг 37-тури доирасидаги ўйинда "Милан"га (0:1) имкониятни бой беришди.
"Ювентус" 2010/11 йилги мавсумдан бери биринчи марта Чемпионлар лигасида ўйнамайди. Ўшанда жамоа А серияда 7-ўринни эгаллаганди.
"Ювентус"да ҳали ҳам еврокубокларга чиқиш имконияти бор. Улар 6-ўринда бораётган “Рома”дан 1 очко, 5-ўриндаги “Аталанта”дан эса 2 очкога ортда қолмоқда.
А сериянинг сўнгги турида “Ювентус” сафарда “Удинезе” билан ўйнайди.
