Дортмунднинг "Боруссия" клуби ҳимоячиси Рафаэль Геррейру фаолиятини давом эттириш имкониятларини фаол ўрганмоқда. Эслатиб ўтамиз, португалиялик ҳимоячи тез орада Эдин Терзич жамоасини текинга тарк этади.
Журналист Фабрицио Романонинг сўзларига кўра, "Атлетико Мадрид" Геррейру хизматларига қизиқиш билдирмоқда. Бироқ, “матрасчилар” Рафаэль учун ягона вариант эмас. Аввалроқ португалиялик футболчининг хизматларига Туркиянинг “Галатасарой” клуби ҳам қизиқиш билдираётгани ҳақида хабар берилганди.
29 ёшли Геррейру Германия Бундеслигасининг жорий мавсумида 4 та гол урди ва 12 та голли узатмани амалга оширди. Бу португалияликнинг фаолиятидаги энг яхши кўрсаткич.
