Dortmundning "Borussiya" klubi himoyachisi Rafael Gerreyru faoliyatini davom ettirish imkoniyatlarini faol o‘rganmoqda. Eslatib o‘tamiz, portugaliyalik himoyachi tez orada Edin Terzich jamoasini tekinga tark etadi.
Jurnalist Fabrisio Romanoning so‘zlariga ko‘ra, "Atletiko Madrid" Gerreyru xizmatlariga qiziqish bildirmoqda. Biroq, “matraschilar” Rafael uchun yagona variant emas. Avvalroq portugaliyalik futbolchining xizmatlariga Turkiyaning “Galatasaroy” klubi ham qiziqish bildirayotgani haqida xabar berilgandi.
29 yoshli Gerreyru Germaniya Bundesligasining joriy mavsumida 4 ta gol urdi va 12 ta golli uzatmani amalga oshirdi. Bu portugaliyalikning faoliyatidagi eng yaxshi ko‘rsatkich.
