"Лестер" ярим ҳимоячиси Харви Барнс Англия премьер-лигасида қолиш учун келаси ёзда жамоасини тарк этишга тайёр. Эслатиб ўтамиз, "тулкилар" кеча расман иккинчи лигага тушиб кетди.
Football Insider хабарига кўра, Барнсга "Ньюкасл Юнайтед" қизиқмоқда. Футболчининг ўзи аллақачон Эдди Хау жамоасига ўтишдан манфаатдор эканини маълум қилган. "Лестер" сўраган сумма 50 миллион еврони ташкил этади.
Барнс мавсумни Англия Премьер-лигасида "Лестер"нинг энг яхши тўпурари сифатида якунлади. Харви чемпионатда 13 та гол урди ва битта голли узатмани амалга оширди.