"Реал Мадрид" ярим ҳимоячиси Дани Себальос Карло Анчелотти жамоасида захирада ўтиришни давом эттирмоқчи эмас. Журналист Хосе Феликс Диаснинг сўзларига кўра, испаниялик хавбек жамоадан асосий таркибни талаб қилмоқда, шунинг учун ҳам "қироллик клуби" ҳалигача у билан шартномани узайтирмаган.
Айни дамда Себальоснинг “Реал” билан шартномасини узайтириши даргумон. Қайд этилишича, Дани катта эҳтимол билан эркин агент сифатида кетиб, бошқа жамоа билан шартнома имзолайди, бу эса унга асосий таркибдан жой олишини кафолатлайди.
Эслатиб ўтамиз, Себальос сўнгги икки мавсумда "Реал Мадрид"да захира футболчиси бўлиб ўйнаб келмоқда. Аввалроқ Дани "Арсенал"да икки йил ижара асосида ўйнаган.
