"Real Madrid" yarim himoyachisi Dani Sebalyos Karlo Anchelotti jamoasida zaxirada o‘tirishni davom ettirmoqchi emas. Jurnalist Xose Feliks Diasning so‘zlariga ko‘ra, ispaniyalik xavbek jamoadan asosiy tarkibni talab qilmoqda, shuning uchun ham "qirollik klubi" haligacha u bilan shartnomani uzaytirmagan.
Ayni damda Sebalyosning “Real” bilan shartnomasini uzaytirishi dargumon. Qayd etilishicha, Dani katta ehtimol bilan erkin agent sifatida ketib, boshqa jamoa bilan shartnoma imzolaydi, bu esa unga asosiy tarkibdan joy olishini kafolatlaydi.
Eslatib o‘tamiz, Sebalyos so‘nggi ikki mavsumda "Real Madrid"da zaxira futbolchisi bo‘lib o‘ynab kelmoqda. Avvalroq Dani "Arsenal"da ikki yil ijara asosida o‘ynagan.
